A-Plus All Weather Paint Run gilusad
CEBU, Philippines - Moabot ngadto sa P80 mil nga kantidad sa cash prizes ang gitagana alang sa mga mananaug sa A-Plus All Weather Paint Run nga mahitabo sa Hunyo 9 ug manukad didto sa The Terraces sa Ayala Center Cebu.
Ang maong lumba gibahin sa tulo ka kategoriya nga mao ang 10k, 5k ug 3k fun run.
Gawas sa pagpaila sa ilang produkto ug pag-promote og fitness pinaagi sa running, usa usab ka laraw sa mga organizers sa maong lumba mao ang pagtabang sa ilang beneficiary nga mao ang mga orphan sa Asilo de la Milagrosa.
"This fun run is a great opportunity for A-Plus All Weather Paint to thank the Cebuanos in their support of its product making it one of the most sought-after paint brand in the Visayas and Mindanao region," matud pa ni All-Weather Paint Operations Head Pepito Lim atol sa press conference didto sa Quest Hotel.
Gibana-bana nga dul-an sa usa ka libo ang mga runners nga mudagan sa maong lumba diin ang mokampiyon sa 10k division mubulsa og P5000, samtang P3000 ug P1000 alang sa mga mananaug sa 5k ug 3k fun run.
Gawas sa premyong salapi ug medalya, aduna usab ipahigayun nga raffle alang sa ubang partisipante human sa lumba.
Sa mga interesadong musalmot ang registration fee nagkantidad og P350 sa tanang kategorya libre na niini ang singlet, timing device ug snacks human sa lumba. Ang mga estudyante makadawat usab og discount diin mubayad lang sila og P150 apan walay singlet.
Ang registration areas nahimutang sa RUNNR sa Ayala Center Cebu ug Cebu Home and Builders Center sa Banilad ug Mactan. Sa dugang pangutana mahimong mutawag sa numero 422-6039, 238-3698 o 0925-5000736.
- Latest
