Petracorta 7-0 sweep, Ynah daog sa cipu

CEBU, Philippines - Giharus sa Petracorta Brokers ang ilang duwa sa elimination round aron taposon kini sa 7-0 sweep human sa ilang 113-95 nga kadaugan batok sa Canillas Customs Brokers (CCB-Yoryoj) kaniadtong Sabado sa nagpadayong 2nd season sa Cebu International Port Users (CIPU) basketball tournament didto sa barangay Cogon-Ramos gym, ning dakbayan.

Sa primerong duwa, gilubong sa Ynah Brokers ang Avenido Customs Brokers, 92-75 aron mokulit sa ilang ikatulong daog sa unom ka duwa.

Giundang ang kataposan ug ikatulo untang duwa niadtong Sabado tali sa Alin Brokers ug sa Gonzales Brokers human sa first period tungod kay lima lang ka players ang miduwa alang sa Gonzales.

Naglabaw ang Alin, 28-17 apan wala na lang padayona ang duwa ilabi na kay wala sab kadto'y bearing.

Ang Avenido kinsa mitapos sa elimination sa 2-5 nga baraha ug ingon man ang Gonzales nga walay daog sa pito ka duwa, natagak na sa maong torneyo.

Nagtabla karon ang Canillas, Ynah ug MacNels sa 3-3 nga baraha.

Si Jef Garcia maoy nangu sa Ynah sa iyang 18 puntos samtang laing lima ka teammates ang mibahug og double figures.

Sa laing bahin, si Reden Villaronza miposa og 16 puntos samtang midugang og 12 ug 10 puntos matag usa silang Takmoy Moral ug Nilo Petracorta.

Wala makaduwa alang sa Canillas si Kenneth Kern Sesante ug silang Dodong Manlosa ug Ferdie Sigue maoy nangu sa ilang team sa ilang 16 ug 15 puntos, matag usa.

Puntos matag usa:

First Game:

Ynah Brokers (92)---  Garcia 18, De Castro 12, Alletire 12, Tecson 10, Manulat 10, Gambe 10, CJ 8, Peras 8, Amistoso 3

Avenido (75)--- Urbina 20, Lim 16, Plando 15, Cayanong 11, Arevalo 7, Batoon 4, Baguio 2

Second Game:

Petracorta (113)--- Villaronza 16, Moral 12, Cedenio 12, N. Petracorta 10, Pepito 10, Palero 9, Solidarios 9, Petracorta 5, Cena 5.

Canillas (95)---  Manulat 16, Sigue 15, Bensi 12, Generalao 9, Diano 4, Boniao 3, Belarmino 2, Sillar 2.