Gilas ‘out’ sa Jones Cup
CEBU, Philippines - Natinuod gyud ang gikahadlokan sa mga coaching staff sa Smart Gilas Pilipinas human opisyal nang gipahibalo sa mga kadagkuan sa 35th William Jones Cup nga dili sila kaapil sa sunod edisyon sa maong torneyo.
Ang William Jones Cup usa ka Taiwan-based international invitational tournament ug wala nila paapila ang Gilas tungod usab sa nagka-aslum nga relasyon tali sa duha ka nasud human sa isyu sa pagkapusil patay sa mga sakop sa Philippine Coast Guard sa usa ka Taiwanese nga mangingisda.
“Just got word from the organizers that we have been uninvited to the Jones Cup, di matapos-tapos ang problema ng Gilas ha,†matud pa ni Reyes sa iyang twitter account.
Ang Smart Gilas mao ang defending champion sa maong torneyo, apan mangita na lang si Reyes og laing international tournament nga salmutan hulip sa Jones Cup.
Ang Jones Cup mao unta ang gisaligan sa Smart Gilas nga mahimo nilang tune-up tournament isip pangandam sa nagsingabot nga 27th FIBA Asia Championship nga mahitabo sa Agosto didto sa Manila.
Gusto ni Reyes nga makaduwa ang Gilas sa usa ka international tournament apan duol ra sa Pilipinas aron usab dili mahago ang mga sakop sa national team. Si Reyes mangita og torneyo sa Australia o didto sa New Zealand.
- Latest
