Wade gi-imbistigahan sa NBA
Gisuta karon sa mga opisyales sa NBA kun may nabuhat nga kalapasan si Miami Heat superstar Dwyane Wade kinsa nakaigo sa iyang siko ngadto sa ulo ni Indiana Pacers guard Lance Stephenson sa Game-2 sa ilang Eastern Conference finals.
Gitan-aw sa mga NBA officials kun gituyo ba o aksidente ang maong panghitabo aron usab makahukom sila kun silotan ba si Wade. (LPM)
Santos miapil sa practice sa Gilas
Nagkadaku karon ang kahigayunan ni Petron Blaze Boosters forward Arwind Santos nga malakip sa Smart Gilas national team human siya gipaapil sa team practice didto sa kaulohan.
Si Santos posible nga muhulip sa posisyon nga gibiyaan sa mga bigman nga sila si Kelly Williams ug Sonny Thoss nga dili na kaduwa sa national team. (LPM)
Velasquez midepensa sa bakus
Napanalipdan ni Ultimate Fighting Championship (UFC) heavyweight champion Cain Velasquez ang iyang bakus human niya gipaundang sa first round ang Brazilian nga si Antonio Silva kagahapon didto sa Las Vegas.
Si Velasquez mipatugpa og usa ka kusug nga right hook ngadto sa suwang ni Silva, sa wala pa niya kini gamiti og ground-and-pound nga maoy nakapaundang sa away. (LPM)
- Latest
