Klima sa Paris maka-apekto ni Nadal

CEBU, Philippines - Sa iya unyang pagbalik didto sa Roland Garros human wala makaduwa og duha ka grand slams, ang Spanish tennis star nga si Rafael Nadal naglaum na og mainitong pagsugat didto atol sa French Open sunod semana.

Suwayan ni Nadal nga modaug sa iyang ika-walong titulo apan sugaton siya'g mabugnaw nga klima ug daghan unya ang mobasol niya kung dunay mga putos ang iyang magbugdong "muscles" aron kini mainitan.

Human siya wala makaduwa og pito ka buwan tungod sa piang sa tuhod nga maoy hinungdan sa iyang kapildehan sa second round sa Wimbledon sa miaging tuig, hingpit nang naka-rekober karon si Nadal ug ang iyang karibal nga si Roger Federer nagkanayon "Eight out of eight finals of eight tournaments. It's amazing."

Didto sa Paris, ang kusog nga hangin sulod sa clay court maka-apekto sa iyang top spin ug dili kaayo kini mabati tungod sa mga pagtaligsik ug sa temperatura nga kasagaran gyud anaa ubos sa 5 ngadto sa 10 degrees. (BANAT SPORTS)