Allen mo-donate og dako sa Oklahoma
CEBU, Philippines - Padayong modawat og mga donasyon ang American Red Cross gikan sa mga basketball fans nga misaksi sa duwa tali sa Memphis Grizzlies batok sa San Antonio Spurs kinsa maoy nagbagat alang sa Western Conference finals.
Kagahapon, midaug ang Spurs sa overtime, 104-93 aron maghupot og 3-0 nga baraha.
Mohatag og dakung kantidad ang point guard sa Memphis nga si Tony Allen alang sa mga biktima sa tornado didto sa Oklahoma City.
Ang Oklahoma kinsa gipangulohan ni Kevin Durant, maoy team nga gipalagpot nilang Allen ug Grizzlies atol sa West semifinals.
Si Allen produkto sa Oklahoma State sa nagduwa pa siya sa college ug matod pa niya nga ang tornado nga mi-igo didto sa Moore, Oklahoma nakapasubo kaniya.
Iyang giawhag ang mga basketball fans nga mohatag unta alang ngadto sa mga biktima.
Ang mga volunteers maoy mokolekta sa mga donasyon nga gisugdan kagahapon ug padayonon karon didto sa FedExForum ang homecourt sa Grizzlies nga misuporta sa American Red Cross tornado relief pinaagi sa mga radio broadcasts, social media ug mga promotions atol sa duwa.
Silang Durant, Russell Westbrook, Thabo Sefolosha, Hasem Thabeet moduwa sa mga biktima uban kang Thunder coach Scott Brooks. (BANAT SPORTS)
- Latest
