Cebu Landmasters midemolis sa Gaisano Capital South

CEBU, Philippines - Buhi pa ang  paglaum sa  Cebu Landmasters/USC Warriors alang sa lingkoranan sa final human nila gilubong ang Gaisano Capital South/UC Webmasters, 116-84 sa Enervon CESAFI Partner's Cup basketball tournament 2013 kagahapon didto sa Cebu Coliseum.

Mura'g ang Cebu Landmasters ug San Marino Tuna/CIT-U Wildcats ang mag-ilog sa final slot aron makakuha og katungod nga moduwa batok sa defending champion Prime Asia Lending/UV Green Lancers sa "best-of-three" series.

Miarangkada dayon ang Cebu Landmasters diin miugbok kini og 10-0 run sa first period. Gitapos sa Cebu Landmasters ang unang duha ka kuwarter sa iskor nga 53-32.

Ang Cebu Landmasters nagsalig sa ilang outside shots uban ang pagpauwan og three-point shots,  apan  ang ilang hugot nga depensa daku'g natampo pagtumba sa Gaisano Capital.

Si Stephen Que maoy nangulo sa Cebu Landmasters  nga miugkat og 22 puntos, lakip na niini ang tulo ka triples. Si  Victor Rabat miabuno og 19 puntos alang sa Cebu Landmasters nga adunay 1-1 nga baraha.

Gipangulohan ang Gaisano Capital ni Gerald Ampoon pinaagi sa iyang 15 puntos, gisundan ni Jan Auditor nga adunay 13 puntos, samtang sila si Kido Cabrera ug Eldred Montilla nagkumboya og 21 puntos.

PUNTOS MATAG USA

Cebu Landmasters (116) - Que 22, Rabat 19, Salihou  16,   Ortega 15, Pepito 10, Guardiario   9, Duran 7,

Magat    5,  Seno 4,   Adlawan 3, Romaguera   2, Bensig   2, Ypil 2

Gaisano Capital South  (84) -  Ampoon 15, Auditor 13, Cabrera 11, Montilla 10, Quintao 8, Sigasig 8, Asis

8, Tamparong 6, Misa 3, Miranda 2