Partner's Cup semis sugdan karon

CEBU, Philippines -  Sugdan karon sa Prime Asia Lending/UV Green Lancers  ang ilang kampanya sa pagdepensa sa ilang korona dihang ilang sangkaon ang fourth-ranked Cebu Landmasters/USC Warriors sa pagsugod sa semifinals sa Enervon CESAFI Partner’s Cup 2013 basketball tournament  didto sa Cebu Coliseum.

San Marino Tuna

 Sa  laing  duwa, ang Gaisano Capital South/UC  Webmasters mosugod sab sa ilang kampanya uban ang panghinaot nga modaog batok sa San Marino Tuna/CIT-U Wildcats.

 Ang Prime  Asia miharos sa napulo ka duwa atol sa double elimination uban ang 10-0 nga baraha.

 Makabentaha og daku sa ilang line-up ang Prime Asia batok sa Cebu Landmasters bisan pa'g pareho silang adunay import -- si Steve Cedrick Akomo  sa Prime Asia ug si Ahmed Salihou  sa Cebu Landmasters.

  Gawas kang Akomo,  posibleng paduwaon sa Prime  Asia  ang lain nilang  import recruit nga si Mike Harry Nzensseu,  uban sa mga lokal sama nilang Wowie Escocio, John Michael Abad, Chris Perolino ug Rhaffy Octobre.

 Ang Cebu Landmasters mosalig nilang Charles Pepito, Mel Steven Duran, Nico Magat, Ian Ortega ug Stephen Que.   (BANAT PALARO)