Masters division ilakip sa VISSA swimfest

CEBU, Philippines -  Dili gihapon kuhaa'g kalipay ang mga beteranong swimmers dihang ilakip ang masters category  sa 19th VISSA Swimming Competition nga gikatakda sa Hunyo 1-2 didto sa  Sacred Heart School-Ateneo de Cebu (SHS-AdC) sa barangay Canduman sa Mandaue City.

 Ang masters division adunay tulo ka age-brackets, ang 24-29, 30-39 ug 40-above.

 Mga events nga tigian naglakip sa 50-meter butterfly, 50m, 100m, 200m freestyle, 50m backstroke ug 50m breaststroke.

 Ang laing kategoriya nga gilakip sa duha ka adlaw nga torneyo mao ang novice ug age-group alang sa elementary, high school ug sa tertiary.

 Aduna kini registration fee nga P500 libre na ang souvenir shirt. Ang pagbayad sa entry fees sugdan sa Mayo 31 gikan sa alas-3 sa hapon hangtod sa alas-6 sa gabii didto sa SHS-AdC swimming pool.

 Alang sa dugang mga kasayoran, mahimong mo-email sa [email protected]. (BANAT NEWS)