Green Lantern nagsolo na sa CEKALCO cagefest

CEBU, Philippines -  Temporaryo karong nagsolo sa liderato ang Green Lantern  human sa ilang kadaugan batok sa Yellow Submarine, 66-59 sa juniors division sa CEKALCO 2013 Mayor Mike Rama Cup Inter-color basketball tournament didto sa A. Lopez open court sa barangay Labangon, ning dakbayan.

 Si Opoy Escolar maoy nangu sa Green Lantern sa iyang 18 puntos, samtang sila si  Glen Aron ug Michael Sameon miamot og 14 puntos matag usa alang sa 5-1 nga baraha.

 Ang 2-4 nga Yellow Submarine gipangulohan sab ni RJ Mejellano pinaagi sa iyang 15 puntos, gisundan ni Jeros Ceriola  nga adunay 12 puntos.

 Sa laing duwa,  ang Black Label mipilde sa Maroon sa  iskor nga 79-72. Ang duha parehong nagbitbit og 4-3 nga baraha.

 Naglabaw unta ang Maroon   sa unang tulo ka kuwarter luyo sa mga paningkamot nilang Edward Romariz ug Rogen Rosales, apan kalit lang silang namugnaw sa final period ug gisakyan sab sa  mapahimuslanon nga Black Label gamit ang 22-11 scoring run aron moiskor og daog.

Puntos matag usa

Unang duwa:

 GREEN (66) - Escolar 18, Aro 14, Sameon 14, Godinez 6, Pasicaran 6, T. Cacharro 4,  Alegrado 2, Desoyo 2

 YELLOW (59) - Mejellano 15, Ceriola 12, Arnaiz 10, Jn. Dumduma 8, Je. Dumduma 6, Elmido 4, Amisola 4

Ikaduhang duwa:

 BLACK (79) - I. Cacharro 25, Degamo 15, Cinco 10, Aspera 8, Bacalla 8, Omil 6, Sanchez 5,  Cabalda 2

 MAROON (72) - Rosales 20, Romariz 15, Dacay 9, Almencion 9, Baron 6, Jeffrey 5, Cocamas 4, Lindio 2, Ambos 2 (BANAT NEWS)