Noblefrance modepensa na sa iyang YFCC junior lightweight title
CEBU, Philippines - Ang Sugbuanong kampiyon nga si Renan 'Limbas' Noblefranca modepensa na sa iyang Yaw-Yan Fighting
Challenge Championship (YFCC) junior lightweight title batok ni Arnel 'Ronin X' Ylanan sa main event sa "Bakbakan sa
Remigio" kickboxing fightcard karong gabii didto sa Artemio Masbate Sports Complex sa San Remigio sa amihanang
bahin sa Sugbu.
Kini ang labing unang title defense ni Noblefranca sa iyang bakus nga nadaog niya pinaagi sa "unanimous
decision" batok sa Mindanao fighter nga si Steve Sevilleno diha sa Cebu Coliseum.
Sa supporting main event sa maong fightcard, ang undefeated nga si Jordan 'Labuyo' Balcita sa Yaw-Yan
ArDigma-Fervilleon mosukod sa katakus sa beteranong si Johnjier 'Durex Danger' Torbiso sa Durex Dragon Kickboxing
Club. Moaway sab si Ronilo 'Buffalo' Espra sa Arcomjukai Kickboxing Club sa Mandaue batok ni Junrey 'Tongboo'
Soquite sa Durex Dragon. (BANAT NEWS)
- Latest
