Echo misakmit ikatulong daog

CEBU, Philippines - Gilupig sa Team Echo-Maroons ang Golf-Black, 90-85 sa seniors division sa CEKALCO 2013 Mayor Mike Rama Cup Inter-color basketball tournament didto sa A. Lopez open court sa barangay Labangon, ning siyudad.  

 Kontrolado sa Echo ang tibuok duwa sa pagpangulo sa ilang power forward Donald Catong ug Takloy Moral.

Si Catong miposa og 27 puntos, samtang si Moral miabuno og 20 puntos.

 Ang bull-strong center nga si Gino Almencion maoy nangu sa Golf pinaagi sa iyang 26 puntos, gisundan ni ex- USC Warrior Ritchie Garcia nga adunay 24 puntos ug Kit Arellano nga miamot og 10 puntos.

 Sa laing duwa, ang Alpha-Black mipilde sa Charlie-Green, 76-68 alang sa ilang ikaduhang daog sulod sa tulo ka duwa.

 Silang Dondon Yap ug Kenneth Borromeo maoy nangu sa opensa sa Alpha-Black sa ilang 24 ug 16 puntos matag usa samtang si Danny Desoyo midugang og 12 puntos.

 Ang  1-2 nga Charlie-Green gipangulohan ni Estoy Panerio nga mipabuto og 22 puntos.

PUNTOS MATAG USA

Unang duwa:

 ECHO (90) - Catong 27, Moral 20, Villarosa 13, Damulo 12, Solana 11, Dianon 7

 GOLF (85) - Almencion 26, Garcia 24, Arellano 19, I. Delos Reyes 8, Hortezano 4, K. Delos Reyes 4

Ikaduhang duwa:

 ALPHA (76) - Yap 24, Borromeo 16, Desoyo 12, Arnibal 8, Tabasa 4, Gacho 4, Templa 4, Navares 4

 CHARLIE (68) - Panerio 22, Gubaton 13, Bacho 10, Molejon 8, Do. Panugaling 5, Dolera 4, Baculio 4, Dn.

Panugaling 2

====

Coke PBA Regionals sugdan karon

Gabby G.  Malagar

 Ang Visayas Regional Finals sa Coca Cola PBA Youngstars Basketball Tournament himuon karong adlawa ug ugma didto sa Capitol Parish Gym.

 Ang Cebu leg champions Team Lancers modepensa sa ilang titulo batok sa mga bisitang koponan West Negros University sa Bacolod ug Iloilo City.

 Unang harungon sa Cebu ang Bacolod karon alas-9 sa buntag, samtang ang Iloilo makigbatok sa Bacolod sa alas-3 sa hapon.

 Ugma, ang Cebu makigsangka sa Iloilo sa alas-8 sa buntag.

 Ang  regional finals mosubay og single round robin  format diin ang top team maoy moabante ngadto sa

national finals unya sa Mayo 19-25 didto sa Manila.