Lima ka Cebu jins mokumbati na sa ASEAN tourney

CEBU, Philippines - Pipila sa labing maayong taekwondo athletes dinhi sa Pilipinas ang mosugod sa ilang kampanya alang sa ASEAN Taekwondo Championships nga mosikad karon didto sa Nay Pyl Taw sa Myanmar.

Lima ka Sugbuanong jins ang nalakip sa Smart-Philippine delegation  nga sila si Miguel Calamba, Moses Bullicer, Rinna Babanto, Maegan Bugarin ug Nichole Maurin.

Mokumbati sila ubos sa junior poomsae event o forms.

Si Babanto mopakita sa iyang katakus sa individual category, samtang si Maurin makigpares  uban ni Rico Mella sa National Capital Region (NCR) sa pairs competition.

Sila si Calamba ug Bullicer moduwa sa men's team event ug ingon man si Bugarin sa distaff side.

Si Shaneen Ched Sia, kanhi tinun-an sa Cebu Doctors' University (CDU) ug nahimong Sportswriter Association of Cebu (SAC) awardee, mopakita sab sa iyang abilidad sa poomsae. (BANAT NEWS)