San Carlos Height batok Bostolits sa UBCA finals

CEBU, Philippines -  Ang San Carlos Height (SCH)  ug Grace Bostolits maoy mag-abot sa finals sa Upper Bayanihan Catholic

Association (UBCA) 2013 basketball tournament human sa ilang kadaugan batok sa tagsa-tagsa nilang kaatbang didto sa

Barangay Quiot Sports Complex.

 Unang miabante sa final ang SCH ni Yoli Meso human midaog batok sa RCAF ni Rommy Faunillan sa iskor

nga 95-86, samtang ang Bostolits ni Grace Petiluna mipalagpot sa Mariquit Aqua Ventures (MAV), 101-98.

 Ang SCH ni coach Norwin Honoridez nagmangtas sa final period sa pagpangulo nilang Jun Sumargo, Barak

Ecojedo ug Yokyok Alesna.

 Sa laing bahin, ang triumvirate nilang Roger Quitoy, Toly Petiluna ug Michael Malalay maoy nagduslit sa

mainitong rally alang sa Grace Bostolits ug mao sab ang nangulo sa kadaugan pinaagi sa ilang 19 ug 18 puntos matag usa.

 Ang three-point artist nga si Robert Abasolo maoy nangu sa MAV sa iyang 39 puntos, samtang si Bert

Gabonia miamot og 13 puntos. (BANAT NEWS)

PUNTOS MATAG USA

Unang duwa:

 SCH (95) - Sumargo 19, Ecojedo 18, Alesna 15, Dela Cruz 10, Español 9, Sadorra 7, Dela Cerna 6,

Celestial 5, Meso 4, Arbeleda 2

 RCAF (86) - Medina 12, Sevellejo 12, Calvo 12, Ramirez 11, Baclay 11, Garcia 10, Villantes 8, Faunillan 4,

Petallar 4, Manliguez 2

Ikaduhang duwa:

 BOSTOLITS (101) - Quitoy 19, Petiluna 18, Francisco 17, Malalay 16, Abacajan 10, Murillo 6, Regis 4,

Dela Peña 4, Ochigue 3, Bonbon 2, Llanura 2

  MAV (98) - Abasolo 39, Gabonia 13, Borces 10, Tuburan 10, Caballero 9, Sabandeja 8, Bowen 7, B.

Tuburan 2