2nd batch sa Yaw-Yan summer clinic sugdan ugma
CEBU, Philippines - Nagpadayon ang enrollment alang sa second batch sa Yaw-Yan ArDigma Martial Arts Federation Inc.
Summer Clinic nga sugdan ugmang adlawa didto sa Yaw-Yan Headquarters sa fourth floor sa Coast Pacific Downtown
Center atbang sa University of Cebu (UC)-Main campus sa dalan Sanciangko.
Si Yaw-Yan ArDigma-Cebu founder ug Vis-Min director Benigno 'Master Ekin' R. Caniga Jr. nagkanayon
nga modawat pa sila sa mga interesadong batan-on nga gustong mokat-on og paagi sa pagpanalipod sa kaugalingon.
Ang Yaw-Yan Ardigma usa ka matang sa martial arts nga mogamit sa nagkadaiyang parte sa lawas isip
hinagiban sama sa sumbag, patid, head ug shoulder butts, siko ug tuhod.
Gawas sa Yaw-Yan Ardigma System, lakip usab nga tun-an sa maong summer clinic mao ang arnis, boxing ug
Mixed Martial Arts (MMA).
Alang sa dugang mga kasayoran, mahimong mobisita sa Yaw-Yan gym o motawag sa numero
09065120888, 09198215582 o 09324524999. (BANAT NEWS)
- Latest
