Heat, Knicks 2-0 na sab

Uwahing rally ang gilusad sa defending champion Miami Heat aron mokulit og 98-86 nga kadaugan batok sa Milwaukee

Bucks,  samtang ang New York Knicks mikulit sab og laing daog batok sa Boston Celtics, 87-71 sa Game-2 aron

moposte og 2-0 nga bentaha sa first round sa Eastern  Conference playoff series sa National Basketball Association

kagahapon.

 Si Dwyane Wade maoy nanginit og maayo alang sa Heat nga miduslit og 21 puntos, samtang si  LeBron James

mihaling  og 19 puntos.

 Tres puntos lang unta ang labaw sa Heat pagsugod sa final period, 68-65, apan milusad sila og 12-0 aron

mainat ang labaw ngadto sa 80-65 nga naghawan sa ilang agianan paingon sa kadaugan.

 Silang Chris Bosh, Shane Battier ug Chris Andersen   miamot og 10 puntos matag usa alang sa Heat.

 Ang Bucks gipangulohan ni Ersan Ilyasova, kinsa miposa og 21 puntos, samtang si Mike Dunleavy miamot og

16 puntos ug si Larry Sanders mitampo'g 14 puntos.

 Didto sa Madison Square Garden sa New York, si Carmelo Anthony mibahog og 34 puntos aron pangulohan

ang Knicks samtang ang  Sixth Man of the Year nga si J.R. Smith midugang og 19 puntos.

 Si Raymond Felton miabuno og 16 puntos alang sa Knicks, kinsa mihimo'g 27-4 run sa second half.

 Si Paul Pierce maoy nangu sa Boston pinaagi sa iyang 18 puntos. Si Kevin Garnett midugang og 12 puntos

uban sa iyang 11 ka rebounds, apan na-foul trouble siya hinungdan nga wala kaayo siya matagbaw sa maong duwa.

 Ang guards sa Bucks nga silang Brandon Jennings ug Monta Ellis, igo lang nagkumboya og 15 puntos nga layo

kaayo'g deperensiya sa ilang  48 points combination atol sa Game-1.

 Sa Western Conference, gipakuratan sa No. 6 seed Golden State Warriors ang third-seeded Denver Nuggets

pinaagi sa pag-iskor og 131-117 nga kadaugan  aron tablahon ang ilang kaugalingong series, 1-1.

 Gipangulohan ni Stephen Curry ang kadaugan pinaagi sa iyang 30 puntos uban sa iyang 13 ka assists.  Silang

Jarrett Jack, Harrison Barnes ug Klay Thompson pareho sab miiskor og double figures.

 Silang Ty Lawson ug Corey Brewer parehong mihakot og 19 puntos matag usa samtang sila si Andre Iguodala

ug Andre Miller parehong mihimo’g 18 puntos. (BANAT BALITA)