Pepito bayani sa Landmasters

CEBU, Philippines - Miiskor og crucial points si Charles Pepito sa nahabiling 1.5 segundo aron luwason ang undermanned Cebu

Landmasters/USC Warriors ngadto sa kulbahinam nga kadaugan batok sa Raphael's Café/USJ-R Jaguars, 79-78 sa

Enervon CESAFI Partner's Cup 2013 basketball tournament niadtong Martes sa gabii    didto  sa  Cebu Coliseum.

 Nabiyaan og 12 puntos  sa third quarter, 50-62, ang Cebu Landmasters hinay-hinay nga miapas sa final canto

diin wala na sila motugot sa Raphael's Café nga moposte og laing double-digit nga labaw.

 Sa wala pa ang iyang winning undergoal stab, si Pepito sab maoy nakaiskor sa 77-78 sa  katapusang 32

segundos sa  duwa.

 Ang Raphael's Café may purohan unta nga moilog sa labaw, apan si Wilkins Sanchez misipyat sa iyang dinali-

dali nga tira. Nakuha ni Stephen Que ang rebound ug dali niya gihatag ang bola ngadto ni Pepito, kinsa nag-inusara sa

undergoal alang sa iyang winning basket nga naghatag sa Cebu Landmasters og 2-2 nga baraha ug nagtabla uban sa San

Marino Tuna/CIT-U Wildcats.

 Si Pepito maoy nangu sa Cebu Landmasters nga mihakot og 18 puntos, samtang sila si Que  mihipos og 12.

 Ang Raphael’s Cafe nga nagbitbit og 0-4 nga baraha, gipangulohan ni Christian Parker sa iyang 14 puntos.

PUNTOS MATAG USA

 Cebu Landmasters (79) - Pepito 18, Que 12, Ortega 10, Magat 8, Duran 6, Seno 6, Romaguera 6, Rabat 4,

Ypil 4, Adlawan 3, Guardario 2

 Raphael's Café (78) - C. Parkers 14, Silay 11, Sanchez 7, M. Parker 7, Lajato 7, Rosell 6, Bayhonan 5,

Cinco 4, Diaz 4, C. Senining 3, Villarosa 2, Regalado 2, Zosa 2, Bancale 2  (BANAT BALITA)