CCBI mipuwesto sa ikaduha sa Hoopstars
CEBU, Philippines - Gitapos sa Chamber of Customs Brokers Inc. (CCBI) ang ilang tahas sa elimination round pinaagi sa
pagpahiluna sa ikaduhang pwesto human sa ilang kadaugan batok sa Innodata, 90-83 sa nagpadayong HoopStars 2013
Corporate League niadtong Lunes sa gabii didto sa J Centre Mall rooftop gym sa A.S. Fortuna St., Mandaue City.
Ang 8-2 nga CCBI nakabaton sab og "twice-to-beat" advantage sa crossover semifinals sunod semana.
Nakaangkon sa No. 1 seed mao ang Albert Surplus. Ang laing duha ka luna sa semifinals pagailogan sa
Philhealt, Liwayway ug ARA.
Si Daniel Enriquez mipabuto og 22 puntos aron pangulohan ang CCBI, gisundan ni Ramil Aniñon sa iyang 21
puntos ug Kenneth Kern Sesante nga adunay 11 puntos.
Ang Innodata hingpit na nga natagak sa torneyo bitbit ang 6-4 nga baraha.
Gikan sa ilang 5-0 start, ang CCBI ni coach Caleb Gawangon nahiagom og duha ka pilde sa wala pa sila
makabangon sa hingpit.
Puntos matag usa
CCBI (90) - Enriquez 22, Aniñon 21, Sesante 11, Moral 8, Palero 6, Laborte 6, Villaronza 4, Elloren 4, Bensi
4, N. Medalle 2, B. Medalle 2
Innodata (83) - Estrera 21, Casinillo 15, Lopez 11, Dumaguit 10, Enad 8, Titular 8, Justiniani 6, Quilaton 5 (BANAT NEWS)
- Latest
