CV naka-silver sa Palaro
CEBU, Philippines - Dumaguete City - Mihagdaw og duha ka silver medals ang gymnasts team sa Central Visayas sa unang adlaw sa 2013 Palarong Pambansa kagahapon didto sa Gov. Mariano Perdices Memorial Stadium.
Mitunol og silvers alang sa Central Visayas mao si Renante Padilla kortesiya sa elementary men's artistic gymastics ug sila si Francin Ly Coyoca, Diane Navarro ug Eunie Soronio sa elementary women's artistic gymnastic team event. Ang upat pulos gikan sa University of the Visayas (UV).
Laraw sa Central Visayas nga mopalambo sa ilang fourth place finish sa miaging tuig, apan wala kaayo sila makahuygo kagahapon. Hinuon, may paglaum pa gihapon ang Region 7 human ang tulo nila ka sprinters nga sila si Celina Mae Revalde sa Sacred Heart School-Ateneo de Cebu, Enrico Avila ug Doysalas Semplecio sa Bohol ang miabante sa medal rounds.
Midaog usab ang Central Visayas sa basketball secondary event batok sa Central Luzon, 84-53, samtang ang secondary football team midemolis sa Cordillera Administrative Region (CAR), 3-0, didto sa Silliman University Field.
Milampos sa tagsa-tagsa nila ka opening games ang Central Visaya’s Elementary boy’s and girl’s tennis teams, samtang ang elementary ug secondary girl’s squad midaog usab sa preliminary game sa softball ug volleyball events.
Miabante sab sa medal rounds ang tulo ka boksidor nga sila si John Antique (34 kgs), Clint Gersale (40 kgs) ug Kitceron Garces (46 kgs).
Sa laing bahin, ang 15-anyos nga si Jerrymay Rubias sa Western Visayas maoy labing unang naka-gold sa Palarong Pambansa pinaagi sa javelin throw event nga mirehistro og 39.59m. (BANAT PALARO)
- Latest
