Belano mohimo'g cage clinic
CEBU, Philippines - Giawhag ang mga batan-ong basketball enthusiasts sa pagsalmot sa UV-Mr. Quadruple Double Basketball Training nga pagahimuon sa duha ka managlahing binyu.
Pagadumalaon kini ni UV Green Lancers head coach Felix 'Donbel' Belano Jr. ug adto kini pagahimuon sa Mactan gym gikan sa alas-9 hangtod sa alas-11 sa buntag, samtang ang ikaduhang binyu anha ipahigayon sa UV main gym sa ala-1 hangtod sa alas-3 sa hapon.
Matud pa ni Belano sa Banat Sports kagahapon, nga ang training camp nga sugdan sa Abril 24 molungtad lang og 10 ka sessions.
Mahimong mosalmot ang mga batang babaye ug lalaki nga nagpangedaron og 13-17 anyos.
Ang registration fee nagkantidad og P1,200 matag usa ug libre na niini ang t-shirt ugbasketball nga maoy gamiton sa training.
Si Belano miyembro sa champion team UV Green Lancers.
Siya ang una ug bugtong professional player nga nakahimo'g quadruple double dihang mihimo siya og 17 puntos, 11 ka rebounds, 11 ka assists ug 10 ka steals dihang nagduwa siya uban sa Davao Eagles sa MBA ubos ni coach Francis Rodriguez.
Niadtong interesadong mosalmot, mahimong mokontak ni Belano sa mga numero 0927-9677171 ug 09104038705. (BANAT PALARO)
- Latest
