NBA Playoffs sa Abril 21

 Nagkaduol na gyud ang gikahinaman sa tanang mga basketball fans ug kini mao ang 2012-2013 NBA Playoffs nga magsugod sa Abril 21. Matapos ang regular season sa Abril 18 ug dunay duha ka adlaw nga gigahin alang sa pagbiyahe sa mga less-seeded teams--upat ka teams gikan sa East ug laing upat gikan ngadto sa homecourt sa top four  seeded teams kinsa maoy adunay homecourt advantage.

Mas nahimong interesado ug kulbahinam ang gipaabot nga playoffs karong tuiga tungod kay kung maabtan sila'g dimalas, dili makasulod ang Los Angeles Lakers sa playoffs sa labing unang higayon sulod sa pipila na ka dekada ang milabay nga sila maoy kanunay modominar sa West Conference.

Misamot kadelikado ang kahimtang sa Lakers dihang napiang si Kobe Bryant kinsa maoy sinaligan sa iyang opensa. Gikataho nga gi-operahan si Bryant sa ilang tuong tikod ug dili pa makaduwa sulod sa unom ngadto sa siyam ka buwan ug dili kini maayong balita ngadto sa mga fans sa Lakers.

Hinoon, dili pa sab maseguro kung makasulod ba gyud o dili ang Lakers sa playoffs tungod kay nagdepende sab kini sa resulta sa duwa sa Utah Jazz kinsa maoy higpit nga karibal karon sa Lakers alang sa ikawalong pwesto sa West.

Parehong dunay tagurha nga duwa ang nahibilin alang sa Lakers ug Jazz.

Ang Lakers makigsangka karon batok sa San Antonio Spurs ug sa sunod adlaw batok sa Houston Rockets. Adto nila paaboton ang ilang kapalaran kung moabante ba sila sa playoffs karong tuiga o dili nga lisod kaayong tuohan kay kanunay man sila maoy mahimong leader sa West ug kanunay maoy Pacific Division champion.

Hinoon, sa pagpanglabay sa mga katuigan, daghan nang mga teams ang  mibarug batok sa Lakers ug usa na niini ang Oklahoma City Thunder nga hayan motapos sa ilang regular season isip no.1 sa West.

Maayo sab kaayo'g dagan ang kampanya sa playoffs sa Los Angeles Clippers  kinsa maoy Pacific Division champion sa labing unang higayon sa kasaysayan sa ilang franchise sulod sa 42 ka tuig.

Dili sab nato matag-an ang Memphis Grizzlies ug ang Denver Nuggets.

Dinhi nato nakita kung usa ka sikit ang kumbati sa West tungod kay hangtod ning pagsuwat, dili pa tataw kung kinsa  gyud maoy mosakmit sa ikawalong luna sa playoffs dili susama sa Eastern Conferecne nga hagbay rang gidominar sa defending champion Miami Heat ug layo ra gyud kaayo ang ubang nagsunod nga teams.

Gani, sa miaging semana pa nahibaw-an ang walo ka playoffs teams sa East diin ang kataposang luna nakuha sa Milwaukee Bucks nga maoy makigsangka sa Heat sa first round sa playoffs.

Sa mga teams nga misulod sa playoffs, good luck kaninyo ilabi na sa akong team ang OKC Thunder.

RAPHAEL'S CAFE. If you're looking for a place where you can unwind and chill out to relieve the pressure from work, try visiting the newly-opened Raphael's Cafe and Resto Bar and experience the comfort of watching sports shows while dining or sipping the spirit of mixed drinks. You can also refresh with their variety of fruits shakes while enjoying live acoustics. The Raphael's Cafe is owned by young enterprenuer Christian Senining, a basketball player who has the vision of achieving success in business. It is located  at  Andres Abellana. Senining has also two other younger brothers who played basketball-Renzo and Rendell. Their proud parents are Raffy and Rizza Senining, also the team owner of the Ave Maria Sanctuary Park-USJR Jaguars, now donning the Raphael's Cafe jerseys.