18th gullas tennis cup mosikad karon

CEBU, Philippines - Kapin sa 200 ka magduduwa  lukop nasud ang mopakita'g aksiyon sa 18th edition sa Gullas Tennis Cup nga mosikad karong adlawa didto sa Cebu International Tennis Centre Inc. (CITCI) courts sa Laray, Consolacion.

Mga kategoriya niining lima ka adlaw nga kompetisyon mao ang unisex 10-under, boys and girls 12, 14, 16 ug 18-under ug 21 under. May double competition sab  alang sa 10, 14, 18 ug 21-under divisions.

Kadtong misalmot sa 14th Tru-Flex National Age-Group Tennis Championships ug sa Milo Juniors Visayas championships, ang Gullas Cup, nga giisip nga  labing karaang age-group tennis tournament dinhi sa Sugbu, mohatag kanila og kahigayonan    aron mohait pa ang ilang abilidad.

Ang banay'ng Gullas nga gipangulohan ni Jose 'Dodong' R. Gullas padayong misuporta sa maong kalihukan isip ilang kaugalingon paagi pagtabang sa Philippine tennis pag-develop og bag-ong mga talento nga mao unya ang morepresentar sa nasud alang sa internasyonal nga kompetisyon ugma damlag.

Ang Gullas Cup nakabunga na og mga dekalibreng atleta nga miduwa dinhi ug sa gawas sa nasud. Sa UV lang, naka-produced kini og duha ka Junior Phl Davis Cuppers nga sila si Fritzgerald Tabura ug Francis Largo.

"That is the reason why we have set a fellowship night of fun and games on April 12. We want to tell the participants that tennis is not just about pressure and competition, but also an opportunity for them to build friendship to each other. This will further enhance their love for the sport,"  matud pa ni John Pages, usa sa mga event organizers.

Ang registration nagkantidad og P300 libre na ang souvenir t-shirt, welcome dinner ug uban pa nga mga bayranan nga may labot sa lima ka adlaw nga kompetisyon.