Deep Blue 'D Woodpushers mopasiugda'g 18-under chess tournament

CEBU, Philippines -  Mopahigayon na sab og laing kompetisyon ang Deep Blue 'D Woodpushers, ning higayona  mao ang

developmental 18-under chess tournament nga mosikad ugma didto sa Deep Blue Café nga nahimutang sa second level sa

SM City-Cebu.

 Gipaluyohan sa mga  lawyers  nga silang Jongjong Melendez ug Ben Harayo, ang torneyo bukas sa tanang

magduduwa, ma-rated man o dili basta naigo kini sa naasoy'ng age-group.

 Kabahin kini sa ilang programa pag-develop og bag-ong mga talento.

 Si international arbiter Marvin Ruelan mibutyag nga modawat sila'g on-site registration usa ka oras sa dili pa

ang kompetisyon nga sugdan sa alas-10:30 sa buntag.

 Aduna lamang kini registration fee nga P100.

 Ang kampiyon sa 7-round Swiss system competition mobulsa og P1,200, ang second placer makadawat og

P800, samtang ang third placer makaangkon og P600.

 Ang mopahiluna sa ikaupat ug ikalima nga dapit makadawat og P400 ug P200.

 Alang sa dugang mga kasayoran kabahin sa maong torneyo, mahimong mokontak ni Ruelan sa 0926-

7352951. (BANAT NEWS)