Jazz laglag sa Nuggets

SALT LAKE CITY -- Matapos magtala ng isang five-game winning streak, ang apat dito ay kontra sa mga non-playoff teams, nalagay sa balag ng alanganin ang Utah Jazz.

Tinalo ng Denver Nuggets ang Jazz, 113-96, tampok ang 21 points ni Danilo Gallinari noong Miyerkules ng ga­bi.

Ang kabiguan ang naglaglag sa Utah (39-37) sa likod ng Los Angeles Lakers para sa pang-walo at huling tiket sa Western Conference Playoffs.

“I hope you guys weren’t expecting us to win 11 in a row,” sabi ni Jazz point guard Mo Williams, may ma­lamyang 2-of-12 fieldgoal shooting para sa kanyang 4 points matapos magtala ng average na 22.7 points sa na­karaang tatlong laro. “Give them credit. That’s a good bas­ketball team. They cause a lot of matchup problems.”

Nanalo ang Nuggets ng 17 despite sa kabila ng hindi paglalaro ni leading scorer Ty Lawson na may foot injury.

Nagdagdag si Kenneth Faried ng 19 points, 8 rebounds at 2 blocks para sa Denver (51-24).

Makakaharap naman ng Lakers ang Memphis Griz­zlies kasunod ang LA Clippers na mga koponang ma­kakalaban ng Nuggets para sa No. 3 seed.

Sa Boston, tumipa si Jeff Green ng 34 points, kasama dito ang isang 3-pointer sa huling 45 segundo, para igiya ang Boston Celtics sa 98-93 panalo kontra sa Detroit Pis­tons.

Sinikwat ng Celtics ang kanilang ikaanim na sunod na playoff berth.

Nagdagdag sina Paul Pierce at Brandon Bass ng tig-17 points para sa Celtics.

Ito ang pang-anim na sunod na pagkakataon na na­kapasok ang Boston sa playoffs matapos mabuo ang tatluhan nina Pierce, Kevin Garnett at Ray Allen no­ong 2007.

Nasa No. 7 ang Boston sa Eastern Conference.