Alegre triathlon andam na

CEBU, Philippines -  Plansado na ang tanan alang sa Cebu leg sa National Age-Group Triathlon (NAGT) Series nga mosikad

karong weekend didto sa Alegre Resort and Spa.

 Kapin sa 200 ka mga triathletes ang mosalmot sa NAGT Series Cebu leg nga magsilbeng Philippine qualifying

event  alang sa Youth Olympic Games (YOG).

 Ang supertrikids ug ang national team qualifier alang sa YOG himuon karong  Sabado sa buntag, samtang ang

Cebu leg sa NAGT Series banatan inig Domingo.

 Ang two-time Alegre triathlon champion nga si Noy Jopson maoy mangulo sa mga dekalibreng atleta nga

naglakip sa Philippine Team aspirants alang sa YOG nga sila si Justin Chiongbian, Louie Lalanto, Ohj Nobles, Sam

Ranque, Kate Lagman, Vicky Beldio ug Magali Echauz.

 Sa labing unang higayon, ang Triathlon Association of the Philippines (TRAP) mogamit og timing chip alang sa

Cebu leg.

 "It's a first time for us to use an RFID timing chip on a TRAP event here. The RFID timing chip will be used

with online result page and photo and result time certificate,"  matud pa ni TRAP official ug event organizer Oscar 'Boying'

Rodriguez, Jr. atol sa  press conference kagahapon didto sa Irie Resto Bar sa Cebu IT Park.

 Ang mga partisipante ug ilang supporters mahimong makakuha sa ilang mga resulta pinaagi sa

www.runningmate.ph.

 "This will be our pre-20th anniversary event in Alegre. And there will be more to come," sumala pa ni Alegre

Resort and Spa marketing manager Bruce Bollozos.

 Gawas sa mga ganting salapi, Smartphone pinaagi sa Smart, specialized helmets ug bike goodies gikan sa

Dan's Bike Shop ug Rudy Project watches and shades ang madawat sa mga top performers sa lumba, samtang ang top

female finisher sa NAGT makadawat og overnight stay sa Alegre.

 Niadtong wala pa makaparehistro, ang organizers modawat pa gihapon og mga entrante usa ka oras sa dili pa

ang lumba. Ang entry forms mahimong makuha sa Rudy Project ug sa Runnr sa  Ayala Center-Cebu ug sa Brick sa J.

Centre Mall. (BANAT NEWS)