Pages abante semis sa Tru-Flex netfest
CEBU, Philippines - Masaarong tennis player nga si Jana Pages nakakuha og lingkoranan sa semifinal sa girls 18-under division sa 14th Tru-Flex National Age-Group Tennis Championships sa miaging adlaw didto sa Haruhay Dream Resort sa dakbayan sa Lapu-Lapu.
Ang fourth seeded nga si Pages miposte og yano nga kadaugan batok ni Nathalie Alipe, 6-1, 6-1. Ang
Sugbuanang si Pages moharong sunod batok sa second-seeded Khim Iglupas alang sa luna sa final round.
Miabante sa semis si Iglupas human sa iyang 6-1, 6-2 nga kadaugan batok ni Toni Rose Raymundo.
Ang topseed nga si Roxanne Resma midaog pinaagi sa "default" batok ni Quinna Mae Manas.
Sa girls 16-under, si Zethley Mae Alferez midemolis ni Shyne Villareal, 6-0, 6-1 aron moabante sa quarterfinal match batok ni Pages o di ba ni Laura Darza.
Si Resma midaog sab sa 16-under category. Iyang sunod sangkaon mao si Rafaella Villanueva, kinsa misulod sa quarterfinals human midaog batok ni Angela Cabaral, 6-1, 6-4.
Si Iglupas makig-uban nilang Resma, Alferez ug Villanueva sa sunod hugna dihang iyang gisirohan si Marie Andre Danica Toledo, 6-0, 6-0.
- Latest
