Top performers pasidunggan karon

CEBU, Philippines - Pasidunggan na ang top performers ug masidlakong riders sa Cebu motocross  sa nakalabay'ng tuig dihang ang MS Motosuit Motocross Series mopahigayon sa Annual  Awards  Night karong alas-7 sa gabii didto sa PAGCOR's Teatro Casino sa Waterfront Cebu City Hotel.

Seguradong halandumon ang maong kalihukan dili lang ngadto sa mga awardees, apan  lakip usab si  MS Motosuit big boss Lou Ornopia kay mohimo kini sa iyang final bow isip race organizer sa maong matang sa paugnat sa kusog nga iyang gitukod dul-an na sa duha ka dekada.

"This is a chance for me to formally announce that I will no longer be organizing a motocross series. It doesn't mean though that I am leaving the sport for good. My support to motocross will always be there, although in another capacity this time,"  matud pa ni Ornopia, ang "Sportsman of the Year" awardee sa Sportswriters Association of Cebu (SAC).

Gawas ni Ornopia, ang godfather sa Cebu motocross, ang uban mga prominenting personalidad ang gilauman nga motambong sa kahilukan naglakip ni Cebuano congressman Benhur Salimbangon (4th District) ug Pablo John Garcia (3rd District).

Si Pepo Rubi maoy mangu sa mga awardees, kinsa pasidunggan karong gabii isip overall champion sa expert ug pro open divisions. Ang laing category champions, kinsa makig-uban ni Rubi mao sila si  Donkey Sanchez (open enduro), BJ Pepito (mini 65cc. ug 85cc), Nanding Pepito (executive C), Martin Nuñez (intermediate ug novice open production), JC Obligado (local enduro), Denmark Supatan (beginners production), Jun Enriquez (executive B), Kent

Limpag (underbone) ug Roscel Gunbob (executive A). Kandidato usab silang tanan alang sa "Rider of the Year" award nga ibandilyo dayong human sa programa.

Gipresentar sa MS Motosuit , ang tinuig nga series nahimong posible pinaagi sa suporta ni Daanbantayan councilor Hon. Malou Pepito, Speed-up Motorparts, F&FO, JCO Motorparts, Dan's Bikeshop, Deka Motorparts, Ted

Bikeshop, Hon. Nonoy Reluya, Bradder Moto  Access, Apas Brgy. Capt. Ramil V. Ayuman, Braddy Motorparts, Dr.

Andy Uy, MB Motorparts, FDR Tires, Casino Filipino, Hon. Isabelito Darnayla ug Sanitec General Services.