Sunsport training camp sa Abril 1
CEBU, Philippines - Makahigayun na usab ang mga batan-ong basketbolista nga mapahait pa ang ilang abilidad karong panahon sa bakasyon sa 20th edition sa Sunsport Basketball Training Camp nga mosikad sa Abril 1 diha sa Sacred Heart Center Sports Club sa D. Jakoselam Street, ning syudad.
Si veteran coach Jojo Romarate maoy modala sa maong basketball clinic nga giisip nga labing karaan ug malampusong basketball clinic sa Vis-Min region.
Ang first phase sa training nga gimugna alang sa mga beginners mulungtad hangtud sa Abril 27, samtang ang advance training sugdan sa Mayo 6 ug matapos sa Mayo 31.
Ang training session mahitabo sa weekdays sa oras nga alas-8 ngadto sa alas-10:00 sa buntag ug alas-10 ngadto sa alas-12:00 sa udto sa weekdays.
Sa mga interesado nga musalmot ang registration fee nagkantidad og P1,100 dala na niini ang jersey, latest edition nga Sunsport basketball, bag ug white t-shirt.
Sa mga interesadong mosalmot mahimong motawag ni Romarate sa numero 0933-2677713/0921-2338305 o sa Sunsport office sa 345-1015/0917-3205769/0922-8377712.
- Latest
