Charlie nakalingkawas

 CEBU, Philippines - Nakaginhawa'g lawom ang team Charlie ni skipper Richard Gubaton human makaikyas bitbit ang 97-96 nga kadaugang batok sa Bravo ni Dondon Tenchavez  pinaagi sa double overtime  sa  second round sa elimination sa Center Katipunan A. Lopez Christian Organization (CEKALCO) 2013 basketball tournament niadtong Sabado sa gabii didto sa A. Lopez open court sa barangay Labangon.

 Sa maong kadaugan, ang Charlie nakigsawo karon sa liderato uban sa Golf, kinsa nidaog sab batok sa Alpha,

85-76.  Ang Charlie ug Golf adunay 9-4 win-loss records.

 Nakauna ang Charlie sa first period, 25-10 pinaagi sa pagtimon nilang Richard Gubaton ug Tiks Bacho, apan nakaapas ang Bravo sa second period human sila mosukli og 29-8 scoring run aron ilogon ang labaw, 39-33 sa halftime.

 Silang Tata Maspiñas ug Fritz Desoyo maoy nagkumboya alang sa maong rally.

 Ang free throws ni Dondon Tenchavez maoy naghatod sa duwa ngadto sa ikaduhang overtime human magtabla, 89-all.

 Si Estoy Panerio maoy nangu sa Charlie nga mipakatap og 29 puntos, samtang si Gubaton midugang og 24 puntos. Silang Maspiñas ug Francis Philip Nacar parehong miiskor og 21 puntos aron pangulohan ang Bravo.

 Sa laing bahin, sila si Kit Arellano ug Gino Almencion miposa og 20 puntos matag usa  aron pangulohan ang Golf, samtang ang napildeng Alpha gipangulohan nilang Danny Desoyo ug Kenneth  Beltran nagkumboya og 41 puntos.

Puntos matag USA

Unang duwa:GOLF (85) - Arellano 20, Almencion 20, K. Delos Reyes 14, Barellano 10, I. Delos Reyes 8, Superales 4, Garcia 3, Miranda 3, Amahan 3  ALPHA (76) - Da. Desoyo 24, Beltran 17, Templa 13, Navares 12, Tabasa 7, Lawrence 3

Ikadunang duwa:

 CHARLIE (97) - Panerio 29, Gubaton 24, Bacho 11, Baculio 11, Do. Panugaling 10, Besties 5, Soco 3, Dolera 2, Molejon 2

 BRAVO (96) - Maspiñas 21, Nacar 21, Tenchavez 14, F. Desoyo 12, Codilla 10, Arnaiz 6, Perino 4, Arnival

4, Aves 2, Loayon 2