2 ka teams Hiroshi miabante sa finals sa Aboitiz Cup

CEBU, Philippines - Nakuha sa team Hiroshi ang duha ka lingkoranan sa final sa 15th Aboitiz Cup Football Tournament sa miaging

adlaw didto sa Cebu City Sports Center (CCSC).

 Ang Hiroshi miabante sa men's open final pinaagi sa  pagpilde sa ERCO FC, 4-1. Ilang sangkaon ang

defending champion Queen City United (QCU) o di ba ang Crazy Horse alang sa kampiyonato.

 Sa sayo pa, misulod sab sa final ang Hiroshi sa final sa 38-above dihang ilang gisirohan ang QCU, 4-0 sa

panagtambayayong nilang Mario Rago, Arvin Mangubat, Oswald Oracion ug Panny Kyriakopoulos.

 Sa maong kadaugan, ang Hiroshi makigsangka sa ERCO FC alang sa korona.

 Ang ERCO FC mipalagpot sa San Roque FC, 3-0 kortesiya nilang playing coach Glenn Ramos, team owner

Rodney Orale ug Danilo Juezan.

 Didto sa  Aboitiz Sports Field sa Subangdaku, Mandaue City, ang University of San Carlos (USC) moduwa

sa Under-23 final human gitagak ang University of San Jose-Recoletos (USJ-R), 1-0 pinaagi sa penalty shootout kortesiya

ni Kiko Ricaplaza, otso minutos ang nahabiling oras sa duwa.

 Ang USC moduwa alang sa korona batok sa University of Southern Philippines Foundation (USPF), kinsa

mipalagpot sa Philsca, 3-2.

 Sa players 8 category, gipaabot nga kulbahinam ang title showdown tali sa Don Bosco Technology Center

(DBTC)-3 ug Bright Academy. Ang DBTC-3 mipukan sa Lahug-B, 5-3, samtang ang Bright Academy miabante sa final

human sa ilang 2-0 nga kadaugan batok sa DBTC-4. (BANAT NEWS)