Beach volley sa Talisay
CEBU, Philippines - Ang Talisay City mopasiugda na sab og Beach Volleyball Tournament nga uloha'g "Talisay Invitational Beach
Volleyball Competition" nga sugdan sa Marso 16 didto sa Talisay Liberation Park sa Brgy. Poblacion sa maong siyudad.
Si Jeanneth Villagonzalo sa Talisay City Sports Commission (TCSC) nagkanayon nga ang torneyo magsilbeng
tune-up sa mga collegiate teams alang sa Visayas leg sa Nestea Beach Volley nga gikatakda sa Marso 22 didto sa
lungsod sa Moalboal.
Ang torneyo gibahin sa men’s ug women’s division ug salmotan kini sa mga koponan gikan sa Southwestern
University (SWU), University of San Carlos (USC), University of Southern Philippines Foundation (USPF), University of
the Visayas (UV), University of San Jose-Recoletos (USJR) ug University of Cebu (UC).
Ang torneyo mosubay og single round robin elimination diin ang mokampiyon makaangkon og P5,000,
samtang ang second placer mobulsa og P3,000. Ang non-winning teams makadawat og P1,000 nga consolation prize
matag usa. (BANAT NEWS)
- Latest
