1st Lou Ornopia cagefest sugdan sa Sabado

CEBU, Philippines -  Maihap na lang ang adlaw, moulbo na ang labing unang Brgy. Capt. Lou Ornopia Basketball Tournament nga

gikatakda karong Sabado didto sa Calambua open court  sa San  Remigio, Cebu

 Ang opening ceremony sugdan sa alas-2 sa hapon.

 Dul-an sa P30,000 nga ganting salapi ang giandam alang sa mga mananaog. Ang kampiyon mobulsa og

P10,000, ang second ug third placers makadawat og P7,000 ug P5,000 matag usa, samtang ang fourth makadawat og

consolation prize nga P3,000.

 Special awards ang ihatag  sa mahimong "best muse" ug "best in uniform" atol sa opening salvo.

 Inig human sa torneyo, ang outstanding individual achievers ang pasidunggan nga pangulohan sa regular season

MVP ug sa Mythical Five.

 Ang torneyo gipaluyohan sab sa Calambua Barangay Council ubos sa liderato ni Brgy. Capt. Lou Ornopia.

 "We are holding this tournament because we want the people of Calambua and its neighboring barangays in

San Remigio to experience a classic and highly entertaining hardcourt action. Seldom they see a highly competitive game

with star players joining in and this is their opportunity," matud pa ni Ornopia, kinsa naila sa kalibotan sa sports isip

godfather sa Cebu motocross.

 Gawas sa local government unit sa Calambua ug sa MS Motosuit, ang summer league gipaluyohan usab sa

Bradder Moto Access, F&F Motor Parts, RMO Motor Parts, Prospeed, Motomaze, JCO Motor Parts, Keiz BJ Motors,

Leizel Navarez ug sa  mga pamilyang Saludar, Ycot, Ornopia, Montealto, Armenion, Jubay, De la Peña ug Vincent Golbe. (BANAT NEWS)