Fila magtigum sa mayo 18

CEBU, Philippines - Magpili og bag-ong presidente ang world wrestling federation (FILA) sa umaabot Mayo 18 aron maoy modala sa tingog sa pagpabilin sa maong matang sa sports sa Olympic program.

Ang tigum ug piniliay sa FILA adto ipahigayon sa Moscow diin ilang hisgotan ang nagkadaiyang mga isyu nga naglambigit sa wrestling.

Ang official nga website sa FILA (www.fila-official.com).

Sa miaging buwan, ang executive board sa International Olympic Committee (IOC) miluwat og pahibalo nga makapakurat dihang ilang girekomendar nga tangtangon ang wrestling gikan sa Olympic program unya sa 2020.

Ang wrestling kalabot sa unang modern Olympics niadtong 1896 ug matag Summer Games hangtod sa 1900, kanunay silang nakigbisog nga malakip kini sa Olympic program.

Ang world wrestling community naglagot sa maong hukom ug ilang gibasol ang FILA chief nga si Raphael Martinetti hinungdan nga napugos pagluwat sa katungdanan ang maong Swiss sports official ug gipulihan siya sa usa ka  Serbian nga si Nenad Lalovic isip acting president.

Ang Moscow congress sa FILA himoon pipila ka adlaw sa dili pa ang tigum sa IOC executive board didto sa St. Petersburg aron pagsuta kung asa sa walo ka sports ang mopadayon sa pagboto alang ngadto sa hiniusang IOC session didto sa Buenos Aires unya sa Septiyembre.

"The last thing our sport needs is to have a power struggle within FILA," matod pa sa Russian wrestling chief nga si Mikhail Mamiashvili.