Sabillo moaway na sa Interim WBO title

CEBU, Philippines -  Panahon na ni undefeated ALA fighter Merlito  'Tiger'  Sabillo (20-0, 10KOs) nga atubangon ang labing lisud

niya nga tahas sa iyang career dihang iyang sangkaon ang garbo sa Columbia nga si Luis de la Rosa  (21-1, 12KOs)  alang

sa kalibotanong titulo  karong adlawa  didto sa Coliseo Mario de Leon in Cerete, Colombia.

 Sila  si  Sabillo ug de la Rosa mag-ilog sa bakanteng WBO interim minimumweight title.

 Si Sabillo,  29-anyos,  nasayod nga dili basta-basta ang away nga iyang atubangon, ilabi na moaway siya sa

labing unang higayon sa gawas sa nasud, apan ang taga-Toboso sa Negros Occidental determinado nga dili lang korona

iyang dad-on, apan dungog ug garbo alang sa iyang kababayan.

  "This is a chance of a lifetime for me to become a world champion and I am determined to get that belt,"

matud pa sa OPBF champion nga si Sabillo.

 Si Sabillo mirehistro og upat ka sunod-sunod nga daog sa miaging tuig lakip na niini ang first round TKO

victory batok ni Rollen del Castillo niadtong Disyembre 15 didto sa PAGCOR Hotel and Casino sa Bacolod City.

  Kun  modaog, si Sabillo may purohan siya  nga moaway alang sa regular title nga kasamtangang gihuptan ni

Mexican Moises Fuentes. Apan posibleng mabakante kini kun  mosaka  si  Fuentes sa light flyweight division.

 Laraw ni Fuentes nga makig-rematch ni Donnie 'Ahas' Nietes human siya mapakyas pagsakmit sa WBO light

flyweight title human sa controversial majority draw niadtong Marso 2 didto sa Waterfront Cebu City Hotel and  Casino. (BANAT NEWS)