MDB vs. Pastrano's sa 6th FYA finals

CEBU, Philippines -  Ang MBD Law Firm ug   Pastrano’s Special Chicharon maoy magtakus alang sa  finals  sa F. Llamas Youth Association (FYA) 6th season karong gabii didto sa barangay Tisa gym.

 Nakasulod sa finals ang MBD Law Firm  human nila gipalayas ang Simple Likes Barbecue sa iskor nga 99-96, samtang naangkon sa  Pastrano's Chicharon ang katapusang luna  dihang ilang gipalayas ang GCM, 88-80.

 Ang lay-up ni John Paul Cañete sa nanghinapos nga bahin sa duwa nahimong yawi sa kadaugan sa MBD.

 Si Daniel Enriquez miiskor og 27 puntos aron pangulohan ang MBD, si Nico Laborte midugang og 21 puntos. Silang Junrey Arreglo ug Vernic Antiporta miamot og 12 puntos matag usa, samtang si Cañete mitampo'g 10 puntos.

 Ang Simple Likes nga nakahigayon pa paglabaw, 93-90  sa daginutong oras, gipangulohan ni Ryan Villaver, kinsa miposa'g 21 puntos, gisundan ni McLean Alkuino ug 20 puntos. Silang Lito Mirasol ug Noel Medalle nagkumboya og 21 puntos.

 Sa laing bahin, si Arnel Mayol mipabuto og 22 puntos ug si Janus Abellana mitira og 20 alang sa Pastrano's. Samtang  si Tata Laborte mikadlit og 20 puntos aron pangulohan ang pilderong GCM, kinsa makigsangka sa Simples alang sa ikatulong dapit.

PUNTOS MATAG USA

Unang duwa:

 MBD Law Firm (99) - Enriquez 27, N. Laborte 21, Arreglo 12, Antiporta12, Canete 10, Abellana 8, Masongsong 6, B. Medalle 3

 Simple Likes (96) - Villaver 21, Alkuino 20, Mirasol 11, N. Medalle 10, Cueme 9, Garcia 7, Dacayana 7, Zapanta 4, Villordon 4, Abella 3

Ikaduhang duwa:

 Pastrano’s (88) - Mayol 22, Abellana 20, Sydingco 12, Lavandero 8, Dacayana 8, Abella 6, Haincanto 6, Conde 2

 GCM (80) - T. Laborte 20, Oropa 16, EJ Fernandez 16, Arregadas 15, E. Fernandez 6, Monte 5, Boysello 2, Tapadsan 2  (BANAT PALARO)