BRO national bootfest motamod bag-ong format

CEBU, Philippines -  Motamod og bag-ong format ang ikaduhang edisyon sa BRO National Football Festival nga gikatakda sa Abril

22-28 diha sa Aboitiz Sports Field sa barangay Subangdaku sa dakbayan sa  Mandaue.

 Ang unang lima ka adlaw mao ang "Challenge the Champion" tournament, samtang  nahabiling mga adlaw sa

semana mao ang regular tournament.

 Ubos sa "Challenge the  Champion", ang top teams gikan sa National Capital Region (NCR) makigbatok sa

nag-unang mga koponan gikan sa Cebu City ug  sa ubang mga dapit sa Kabisay-an ug Mindanao. Usa kini ka 11-a-side

competition.

 Sa laing bahin, ang festival-type,  adunay 17 ka age brackets. Kini mao ang mixed players 7, 8, 9 ug 10-under,

boys 11, 12, 13, 14, 15, 17 ug 19-under, girls 14 ug 19, executive 36 ug 42, ladies  ug men's open.

 "We came up with this kind of format for our second edition for the purpose of riding on the crest of the recent

successes of the Azkals in the Asian Football Confederation (AFC) games circuit and sustain the high level of competition

in the local scene," matud pa ni Engr. Keith Buyco, kinsa maoy nagpasiugda sa  kalihukan uban ni coach Glen Ramos ug

Engr. Rodney Orale.

 Ang registration fee nagkantidad og P800 sa tanang age-groups ug P1,250 alang sa executive, ladies ug men's

open.

 Alang sa dugang mga pakisayod, mahimong log-on sa www.brofootball.org. (BANAT NEWS)