Boksing sa Liloan karong Sabado
CEBU, Philippines - Paninguhaon ni Filipino flyweight contender Gerpaul 'TI Yamagata' Valero (13-14, 9KOs) nga mobangon
human masukamod sa katapusan niyang away sa iya unyang pakigharong ni Jovylito 'J-Flash' Aligarbes (7-1, 2KOs) sa
main event sa "Champions of the Future" karong Sabado sa gabii didto sa Panphil B. Frasco Memorial Sports Complex sa
lungsod sa Liloan, Cebu.
Ang boksidor ni veteran trainer Brix Flores nga si Valero napilde pinaagi sa "unanimous decision" batok ni
ALA boxer Jerson Mancio niadtong Enero 20.
Sa supporting bout sa boxing card nga gipasiugdahan ni Thai boxing patron Naris Singwangcha ug RWS
International Promotions ni Rex 'Wakee' Salud, ang taga-Bukidnon nga si Ryan Bongcawil makigharong ni Rajah Renoel
Pael sa Siquijor.
Moaway usab si Redondo Singwangcha sa Ormoc City batok ni Elmer Colve sa Zamboanga City.
Mokompleto sa undercards mao ang away ni Boyose Singwangcha batok Gerald Cortez, Llanera
Singwangcha batok Rodel Wenceslao, Tabanao Singwangcha batok Jun Ryan Quimbo, Kenny Singwangcha batok Bryan
Samson, Canoy Singwangcha batok Keith Batolenyo, Belmar Plaza batok Junel Lacar ug Francisco Singwangcha batok
Nike June Quinaadman. (BANAT NEWS)
- Latest
