Golf, Echo nakaipsot

CEBU, Philippines -  Nakalingkawas giklan sa delikadong sitwasyon ang   Golf ug Echo  teams human sila mo-iskor og kulbahinam nga kadaugan sa second round sa Center Katipunan  A. Lopez Christian Organization (CEKALCO) 2013 basketball tournament   niadtong Sabado sa gabii didto sa A. Lopez open court sa barangay Labangon, ning dakbayan.

 Nakaginhawa og lawom ang Golf human  makaipsot batok sa Foxtrot, 99-97 sa overtime, samtang ang Echo nakapanghupaw  dihang midaog kini og tres puntos  batok sa  Hotel, 97-94.

 Ang Golf miposte og 14 puntos nga labaw sa third period, 75-61 sa giya ni Gino Almencion, apan ang Foxtrot hinay-hinay nga mikamang sa unahan aron matabla ang iskor, 86-all human sa jumpshot ni Edwin Lazaga sa nahabiling siyete segundos sa regulasyon hinungdan sa overtime.

 Ang Golf mao na ang nagkontrolar sa dugang singko minutos hangtod nga ilang naangkon ang dos puntos nga kadaugan.

 Si  Almencion miburak og 40 puntos aron pangulohan ang Golf, gisundan ni Kit  Arellano nga adunay 24 puntos.

 Ang Foxtrot gipangulohan sab ni Moises Craso, kinsa mihagdaw og 42 puntos, samtang si  Erik Yee miabuno og  26 puntos.

 Sa laing duwa, ang 21-13 nga rally sa Echo maoy nahimong yawi sa ilang kadaugan batok sa Hotel.

 Gipangulohan ni Nelson Solana ang kadaugan pinaagi sa iyang 22 puntos, si Vincent Dianon miamot og 20 puntos. Si Kelvin Cinco mirehistro og 39 puntos aron pangulohan ang pilderong Hotel.

PUNTOS MATAG USA

Unang duwa:

 GOLF (99) - Almencion 40, Arellano 24, I. Delos Reyes 10, Hortezano 8, K. Delos Reyes 8, Barellano 6,

Bentozal 2, Amahan 1

  FOXTROT (97) - Craso 42, Yee 26, Lazaga 11, Sumalinog 11, Villamor 6, Zafra 1

 Ikaduhang duwa:

 ECHO (97) - Solana 22, Dianon 20, Villarosa 16, Aspera 16, Romariz 15, Macalisang 6, Sagayno 2

 HOTEL (94) - Cinco 39, Tautho 10, Saceda 10, Benoya 8, Valderama 8, Dosal 7, Navares 6, Delos Reyes 6 (BANAT PALARO)