Bravo, Alpha daog na sab
CEBU, Philippines - Gipilde sa underdog team Bravo ang mas lig-on nga Delta team, 99-90, samtang ang Alpha mikulit og laing
daog batok sa mas paboritong Delta, 84-76 sa second round sa elimination sa Center Katipunan A. Lopez Christian
Organization (CEKALCO) 2013 basketball tournament niadtong Biyernes didto sa A. Lopez open court sa Labangon.
Daku unta kaayo’g labaw ang Delta sa first period, 30-8, apan ang Bravo milusad og 35-11 run nga gitimonan
ni Tata Maspiñas uban sa suporta ni Francis Philip Nacar aron sakmiton ang liderato.
Si Maspiñas maoy nangu sa Bravo pinaagi sa iyang 27 puntos, gisundan nilang Dondon Tenchavez ug Nacar
nga midugang og 17 puntos matag usa.
Ang Delta gipangulohan ni Juniel Villarosa nga miposa og 36 puntos, lakip na niini ang unom ka three-pointers,
samtang sila si Randy Damulo ug Julius Gutierrez nagkumboya og 45 puntos.
Sa laing duwa, gidominar sa Alpha ang kinatibuk-ang duwa aron mapukan ang Charlie, 84-76.
Silang Kenneth Beltran ug Dondon Yap maoy nangu sa Alpha sa ilang 23 ug 22 puntos matag usa. Samtang
ang Charlie gipangulohan ni Estoy Panerio nga miburak og 25 puntos, gisundan ni Richard Gubaton sa iyang 24 puntos ug
Bert Besties nga adunay 14 puntos. (BANAT NEWS)
PUNTOS MATAG USA
Unang duwa:
BRAVO (99) - Maspiñas 27, Nacar 17, Tenchavez 17, Arnaiz 8, Codilla 8, Perino 7, F. Desoyo 5, Castro 4,
Arnibal 4, Aves 2
DELTA (90) - Villarosa 36, Damulo 27, Gutierez 18, Sinag 5, Estrada 4
Ikaduhang duwa:
ALPHA (84) - Beltran 23, Yap 22, N. Tabasa 13, Despi 10, D. Desoyo 6, Templa 5, Cabalda 3, P. Desoyo
2
CHARLIE (76) - Panerio 25, Gubaton 24, Besties 14, Do. Panugaling 7, Soco 2, Bacho 2, Molejon 2
- Latest
