Jonher misakmit sa 2nd Inter-Merchant title

CEBU, Philippines -  Gilubong sa Jonher Merchandise ni Jojie Espina ang paboritong Parklane Hotel, 90-78 aron langkaton ang korona sa 2nd Inter-Merchant 2013 basketball tournament didto sa CEC gym sa dalan Dimasalang, ning dakbayan.

 Nagpungasi nga puntos ang gipabuhagay sa Merchandisers   sa kombinasyon nilang  Jape Gacayan, Chuck Rosal ug Christian Fajardo aron moposte og 17 puntos nga labaw sa halftime sa iskor nga 55-38.

  Mi-rally ang Hoteliers sa fourth period nga gipasiugdahan nilang Mark Ting ug Don Malig-on, apan kawang ang ilang mga paningkamot kay wala sila makasugakod sa makutas nga duwa.

 Si Rosal nga napiling MVP maoy nangu sa kadaugan pinaagi sa iyang 15 puntos, gisundan ni Fajardo nga adunay 14 puntos, samtang sila si Leman Dahil ug Gacayan nagkumboya og 24 puntos.

 Ang Parklane gipangulohan ni Boy Delantar, kinsa miposa og 19 puntos, si Ting midugang og 15 puntos, samtang si  Malig-on miamot og 14 puntos.

PUNTOS MATAG USA

 JONHER (90) - Rosal 15, Fajardo 14, Dahil 13, Gacayan 11, Espina 7, Cortes 7, Alcaraz 6, Lopez 6,

Minguito 6, Ceniza 4, Dolendo 1

 PARKLANE (78) - Delantar 19, M. Ting 15, Malig-on 14, A. Ting 9, Andre 7, Tan 6, Tomaquin 4, Olita 3, Maldo 1 (BANAT SPORTS)