FCABL nagka-init na

CEBU, Philippines - Nag-anam na kulbahinam ang nagpadayong Fellowship of Christian Athletes Basketball  League (FCABL) diin nagpabilin ang mga contenders ug nangatagak na ang mga pretenders sa senemanang aksyon diha sa SHS gym sa dan Gen. Maxilom avenue, ning dakbayan.

Karong gabii, magbagat ang upat ka mga survivors sa 35 years above division atol sa ilang semifinal round.

Sa unang duwa, magsangka ang no. 1 qualifier LW IBI batok sa no. 4 LW Couples ug sundan kini sa engkwentro tali sa no. 2 seed CBT batok sa no. 4 qualifier CWBA. Ang modaug sa semifinals maoy magbagat sa finals sunod semana.

 Kagahapon, gipahigayon sab ang quarterfinal round ubos sa 34 years under division apan wala dayon hisayri sa kasamtangan kung kinsa maoy milusot sa maong mga sangka. Ang upat ka teams nga modaug maoy moabante sa crossover semifinals.

Crossover sab ang format sa quarterfinal round diin nagsangka ang no. sa Bracket A nga ACES batok sa no. 4 seed sa Bracket B nga MCF.

Sa  laing mga duwa, nagbagat ang no. 2 seed sa Bracket A nga UCCP batok sa no. 3 sa Bracket B nga BUCCI gisundan kini sa sangka tali sa no. 2 sa Bracket B nga CTGA  batok sa PC Nets, ang no. 3 seed Bracket A ug sa kataposang sangka sa upat ka paresan sa quarterfinals, magtakos ang no. 1 seed sa Bracket B batok sa COC, ang no. 4 seed sa Bracket A.

Ang organizer sa FCABL mao ang ex-pro nga si coach Tata Merced.