Mandaue mikabkab duha ka bulawan ABAP slugfest

CEBU, Philippines - Pambato sa Mandaue City nga si Hipolito  Banal Jr. misakmit og gold medal sa PLDT-ABAP National Boxing

Championship sa miaging adlaw didto sa Maasin City.

  Ang manghod ni kanhi world title challenger AJ Banal nga si Hipolito midaog pinaagi sa puntos batok ni John

Dinolan sa Davao del Norte  aron makuha ang kampiyonato sa light flyweight.

 Laing Mandaue City boxer nga si Jeffrey Estella ang mikabkab sab og bulawan human midaog batok ni Mario

Bautista sa Himaymaylan City ubos sa pinweight division.

 Gawas sa bulawan, ang Mandaue midaog sab og bronze medal kortesiya ni Eleno Traya sa lightweight class.

 Sa ilang bahin, ang Team Cebu City mihakot og duha ka silvers ug usa ka bronze medal.

 Si Rodex Piala igo lang midaog og silver human siya miyukbo ngadto ni Argie Alabado sa Bago City sa

flyweight division, samtang si Reoxyl Tabogon mipuwesto sa ikaduhang dapit sunod ni Quirino Mellejor sa Davao del

Norte sa bantamweight class. Nakuha ni Allan Refuella ang bronze medal sa flyweight category.  (BANAT NEWS)