F-5 LLSC sugamak sa Brgy. Pusok

CEBU, Philippines - Kaabtik, kapaspas ug kusog sa mga batan-ong magduduwa    sa Brgy. Pusok-Senior team maoy    hagdanan

aron makab-ot ang kadaugan batok sa beteranong F5-LLSC team, 96-83 sa Deca 4 exhibition game niadtong Pebrero 15

didto sa Deca open court sa Brgy. Bankal, dakbayan sa Lapu-Lapu.

 Upat ka players sa Brgy. Pusok ni coach Ranie Empirio ang miiskor og double figures nga gipangulohan ni JR

Saga, kinsa milansang og 23 puntos.

 Si Monteagudo mipupo og 17 puntos, gisundan ni Miano Ariesgado sa iyang 15 puntos ug Juan Bustos nga

adunay 14 puntos alang sa Brgy. Pusok nga maoy nidominar sa kinatibuk-ang duwa.

 Ang exhibition game kabahin sa pagpangandam sa Brgy. Pusok-Senior team sa ilang pagsalmot sa tinuig nga

Lapu-Lapu Inter-Barangay basketball tournament nga pagadumalaon ni Lapu-Lapu city councilor Harry Radaza.

 Ang mga kanhi varsity players nga sila si Sherwin Candilada sa University of  Southern Philippines Foundation

(USPF) Panther ug Josak Arong sa University of San Jose-Recoletos (USJ-R) Jaguar mao lang ang mirehistro og double

figures. Si Candilada miratsada og 37 puntos, samtang si Arong mikimada og 20 puntos.

  PUNTOS MATAG USA

 BRGY. PUSOK-SENIOR (96) - Saga 23, Monteagudo 17, Ariesgado 15, Bustos 14, Solis 6, Cruda 6,

Mahinay 6, Empirio 5, Galinato 4

 F5-LLSC (83) - Candilada 37, Arong 20, Hesalta 6, Bancale 6, Dela Rama 5, Guevarra 5, Velasquez 5,

Damolo 3 (BANAT NEWS)