Donaire lupigon sa kusog
CEBU, Philippines - Mipasiatab ang kampo ni Cuban boxing champion Guillermo Rigondeaux nga malupig nila sa pakusganay sa kumo ang four-division world champion nga si Nonito Donaire atol sa ilang sangka sa Abril 13 didto sa New York City.
Si Donaire (31-1, 20KOs) ug Rigondeaux (11-0, 8KOs) magsangka sa usa ka unification bout diin ilogan nila ang WBO ug WBA super bantamweight titles.
Ang promoter ni Rigondeaux nga si Bros Arencibia nagkanayon nga dili maisip nga underdog ang iyang boksidor tungod kay mas nagbaton pa kini og mas kusog nga kumo itandi sa 'Fighter of the Year' nga si Donaire.
“Rigondeaux will win easier than most people think because he will put Nonito to work and fight him. Nonito will feel the power of his punches,†matud pa niya sa boxingscene.com.
Sa laing bahin, ang kanhi Puerto Rican featherweight champion nga si Juan Manuel Lopez mihagit sa mudaog tali nila ni Donaire ug Rigondeaux sa usa ka sangka sa catchweight nga 128 lbs. (BANAT SPORT)
- Latest
