RCAF, 5-0 na sa UBCA Camp

CEBU, Philippines -  Nagpabilin gihapon nga walay pilde ang team RCAF   human midaog batok sa defending champion Grace Bostolits, 101-97  alang sa ilang 5-0 nga baraha  sa Upper Bayanihan Catholic Association (UBCA) Camp 2013 second season basketball tournament didto sa barangay Quiot Sports Complex.

 Mipasiugda og mainitong rally ang RCAF ni Romeo Faunillan pagsugod sa duwa sa tandem nilang  three-point artist Kuya Calvo ug Joey Medina aron moposte kini og 32-21 paghuman sa maong kuwarter.

 Hinuon, ang Grace Bostolits ni Tony Petiluna mi-rally sa third period, apan wala nila maangkon ang gitinguhang kadaugan.

  Si Danrey Baclay maoy topscorer sa RCAF sa iyang 17 puntos, gisundan ni Calvo nga adunay 16 puntos.

 Ang 1-3 nga Bostolits gipangulohan ni Roger Quitoy, kinsa mibahog og 29 puntos, samtang si Jeff  Francisco miamot og 19 puntos.

  Sa laing duwa, ang ICC Pharmacy mitumba sa Quiot,   108-101 alang sa ilang 4-2 nga baraha.

  Si Louie Villarin miposa og 20 puntos aron pangulohan ang ICC, si Danny Dela Peña miamot og 18 puntos, samtang si Barok Lasque miabuno'g 17 puntos.

 Si Eddie Roma miposa og 29 puntos, gisundan ni Abbs Fabrera nga mihakot og 20 puntos alang sa Quiot nga adunay 1-3 win-loss record.

 Sa lain pang aksiyon, ang San Carlos Height (SCH)  mipukan sa walay daug-daog nga UBCA Magic, 111-101.

 Ang kanhi sentro sa SIT nga si Jun Sumargo mihakot og 29 puntos ug si Charlie Sadorra midugang og 26 puntos.

 Si Jessie Rudinas mao usab ang nangu sa UBCA Magic pinaagi sa iyang 34 puntos, samtang sila si Tomas Villaso ug Eko Cañete nagkumboya og 44 puntos. (BANAT NEWS)

PUNTOS MATAG USA

Unang duwa:

 RCAF (101) - Baclay 17, Calvo 16, Medina 12, Sevellejo 11, Noel 10,  Ramirez 9, Garcia 7, Petallar 6, Villantes 4, Perez 4, Faunillan 3, Tabar 2

 BOSTOLITS (97) - Quitoy 29, Francisco 19, Pizon 11, Malalay 9, Dela Peña 9, Regis 8, Petiluna 5, Llamedo 4, Llanura 2, Ochigue 1

Ikaduhang duwa:

 ICC (108) - Villarin 20, Da. Dela Peña 18, Lasque 17, Lopez 12, L. Dela Peña 10, Padillo 8, Lawas 8, Dada 6, Palma 4, Celestial 2, Llamedo 2, Saban 1

  QUIOT (101) - Roma 29, Fabrea 20, Allera 14, Redemio 12, Osorno 11, Conde 10, Murillo 3, Intud 2

Ikatulong duwa:

 SCH (111) - Sumargo 29, Sadorra 26, Dela Cerna 17, Ecojedo 17, Abelido 8, Dela Cruz 6, Galdo 4, Celestial 4

  UBCA (101) - Rudinas 34, Villaso 23, Cañete 21, Murillo 10, Naces 7, Bob 2, Delima 2, Daclan 2