Light midaog sa NBTC all-star game

CEBU, Philippines -  Wala damha nga ang Seaoil National Basketball Training Center (NBTC) All-Star Game niadtong Martes,

susama ra sab ka kulbahinam sa Game-3 sa NBTC finals tali sa SHS-AdC ug UV diin ang Magis Eagles maoy kampiyon

pinaagi sa overtime.

 Ang nakalahi lang sa maong duwa, wala kini moagi'g  overtime.

 Nagtabla ang iskor sa 81-all sa nahabiling 22 segundos, apan  ang Light stars nakakawat og bola ug dayong

hapos ngadto kang University of the Visayas (UV) Baby Lancers shooter Andres Paul Desiderio alang sa  break away

lay-up sa himalatyong oras  sa duwa aron baswaton ang koponan ngadto sa 83-81 nga kadaugan didto sa City Sports

Club-Cebu (CSCC) gym sa Cebu Business Park.

 Si Desiderio mipupo og game-high 28 puntos

 Gipangulohan ni  Desiderio ang kadaugan pinaagi sa iyang 28 puntos nga igo na kaayo alang kaniya aron ilhong

Most Outstanding Player (MOP) ug sa maong kadaugan nakaangkon siya og luna alang sa NBTC National All-Star Game

sa Marso 3 didto sa kaulohan.

  Si Ralph Dinolan, gikan usab sa UV miani og 19 puntos alang sa Light, gisundan ni Fletcher Galvez sa Sacred

Heart School-Ateneo de  Cebu nga adunay 12 puntos.

 Ang Dark stars nga milabaw og 15 puntos, 46-31 sa nahabiling dos minutos sa second period, gipangulohan ni

6-foot-3 Dolan Adlawan, kinsa miburak og 24 puntos.

Puntos matag usa

 Light (83) - Desiderio 28, Dinolan 19, Galvez 12, Santillan 7, Igna 6, Competente 4, Osabel 2, Tan 2

 Dark (81) - Adlawan 24, Balankig 9, Ochea 7, Jaboneta 6, Araw-araw 6, Berdera 6, Antigua 5, Bulan 5,

Yap 4, Estremos 3, Senining 2, Zosa 2, Bolvar 2 (BANAT NEWS)