4 ka teams nagtabla sa 2nd place
CEBU, Philippines - Nagdasok karon ang upat ka teams kinsa parehong nagtabla sa ikaduhang pwesto sa 2-1 nga baraha sa nagpadayong F. Llamas Youth Association (FYA) 6th season basketball tournament didto sa barangay Tisa gym, ning dakbayan.
Gisubad sa Simple Likes Barbecue Haus ang walay daug-daog nga Elijah quintet sa iskor, 110-100 aron mo-abante sa ikaduhang pwesto.
Sa laing duwa, gipakuratan sa Pimentel Customs Brokers ang mas lig-on nga Hayleb sa iskor, 89-86 sa overtime. Pareho na sab adunay 2-1 nga kartada ang Pimentel ug Hayleb samtang sa miaging adlaw, bugtong ang MBD Law Firm mao na lang ang walay pilde sa ilang 3-0 nga baraha human ilang gipukan ang GCM kinsa maoy ika-upat nga team sa kasamtangan nga nagbaton sab og 2-1 nga baraha.
Milansang og 23 puntos si Lito Mirasol alang sa Simple Likes ug parehong miambit og 19 puntos silang Noel Medalle ug Ryan Villaver ug mitunol og 12 puntos si McLean Alkuino.
Si Tope Limbaga maoy nagtimon sa Elijah human siya moposa og 30 puntos samtang si Jaime Atuel midughit og 29 puntos.
Sa laing bahin naka-eskapo ang Pimentel Brokers pinaagi sa overtime tungod sa dagkung puntos nilang Dexter Caballero ug Ranel Patalita. Si Caballero misakmit og night-high 32 puntos ug si Patalita mihakot og 21 puntos.
Si Daryl Pasarello maoy naghatud sa duwa ngadto sa overtime human siya makapasulod ug duha ka free throws sa kataposang 1.3 segundos ug gitabla ang iskor sa 74-all.
Silang Clark del Mar ug Allan Trinidad maoy nangu sa Hayleb sa ilang 24 ug 11 puntos, matag usa.
Puntos matag usa:
First Game:
Simple Likes (110)— Mirasol 23, Medalle 19, Villaver 19, Alkuino 12, Garcia 8, Abella 6, Villordon 6, Dacayana 5, Cueme 2
Elijah (100)—Limbaga 30, Atuel 29, Angcos 18, Lanojan 8, Pacana 6, Ropal 4
Second Game:
Pimentel (89)—Caballero 32, Patalita 21, Lopez 12, Sumbihon 7, Cajucson 6, Dumaguit 5, Sarsaba 4, Avila 4
Hayleb (86)—Del Mar 24, Trinidad 11, Aglipa 10, Endrina 9, Pasarrelo 8, Baricuatro 7, Canceko 7, Rollon 7, OT. 74-all
- Latest
