FCA Inter-Church hoopla magpadayon
CEBU, Philippines - Magpadayon karon ang aksyon sa Fellowship of Christian Athletes (FCA) Inter-Church Basketball League diin magsangka ang LW-IBI batok sa BCCP kinsa naglaraw nga mokulit og 4-0 nga baraha sa 35 year above division ug sundan kini sa sangka tali sa GCGC batok sa CFGA didto sa SHS gym sa dan Gen. Maxilom avenue, ning dakbayan.
Unom sab ka teams ang nagduwa kagahapon diin tinguha sa Aces ug sa PC Nets nga mokulit ug laing daog aron palamboon ang ilang kartada sa 34 years below division Bracket A ug pareho silang naghupot ug 2-1 nga baraha. Ning pagsuwat, wala na masayri ang resulta sa maong mga duwa.
Sa laing duwa karong gabhiona, magtakos ang GCGC batok sa CFGA ubos sa Bracket B sa 34 years below division.
Ang BCCP maoy solo leader sa Bracket B sa ilang 3-0 nga baraha samtang ang LW-IBI wala sa'y pilde sa 35 years above sa ilang 3-0 nga baraha.
Niadtong Pebrero 3, midaug ang LW-IBI batok sa CBT, 72-65 sa bugtong duwa sa 35 above.
Sa 34 below division, midaug ang Aces batok sa PC Nets, 71-65, gilubong sa UCCP ang CBT, 74-54, midaug ang BCCP batok sa MCOF, 67-41, midaug ang CCOC batok sa BHCF-1 sa iskor 75-65 ug gikunis-kunis sa GCGC ang BHCF-2 sa iskor, 77-21.
Sa kasamtangan, mao kini ang team standings: sa 35 above nag-una ang LW-IBI, 3-0, LW Couples 1-1, CWBA 1-1, MCOF 1-2 ug CBT 0-2.
Sa 34 years below (Bracket A), nagtabla ang Aces ug PC Nets sa 2-1, ang UCCP 2-1, CBT 1-2, CCOC 1-2 ug BHCF-1, 1-2.
Sa Bracket B, adunay 3-0 nga baraha ang BCCP, gisundan sa MCOF sa ilang 2-1, CFGA 2-1, BUCCI 1-2 ug BHCF-2, 0-3.
- Latest
