Floyd mipabor ni Donaire
CEBU, Philippines - Wa damha nga mopakita og suporta si undefeated American ug No.1 pound-for-pound fighter Floyd Mayweather ngadto ni Filipino boxing superstar Nonito Donaire kinsa iyang gipaboran nga mudaog batok ni Cuban champion Guillermo Rigondeaux karong Abril 13 didto sa New York.
Ang pamahayag ni Mayweather migawas pipila ka oras lang human mapinalisar ang gipaabot nga unification bout tali ni Donaire ug Rigondeaux kinsa mipirma na og kontrata aron mahitabo ang ilang away.
Si Donaire maoy WBO super bantamweight champion, samtang ang Cuban Olympic gold medalist nga si Rigondaeux maoy naghupot sa WBA title.
“People won’t like this but I’ll put it out there Donaire will win via knockout,†matud pa ni Mayweather sa iyang twitter account.
Si Mayweather nailhan nga mortal nga karibal ni Filipino ring icon Manny Pacquiao, apan wa niya mapugngi nga mopadayag sa daku niyang bilib ngadto ni Donaire kinsa maoy gibayaw nga ‘Fighter of the Year’ sa prestihiyosong Boxing Writers Association of America (BWAA) awards.
Si Donaire adunay record nga 31-1, 20KOs, diin katapusan niyang gipukan mao ang Mexican legend nga si Jorge Arce pinaagi sa third round knockout didto sa Las Vegas niadtong Disyembre.
Sa iyang bahin, ang two-time Olympic champion nga si Rigondeaux wa pay pilde sud sa onse ka away sukad nga mitikang siya sa pro-boxing niadtong 2009. (LPM gikan sa Philstar)
- Latest
