Alpha midaog na gyud sa CEKALCO cagefest

CEBU, Philippines -  Sa katapusan, nakatilaw na gyud og daog sud sa siyam ka duwa ang team Alpha human makaikyas batok sa

team Echo, 101-100  sa ilang kulbahinam nga duwa sa second season sa Center Katipunan A. Lopez Christian

Organization (CEKALCO) 2013  basketball tournament niadtong Biyernes didto sa A. Lopez open court sa barangay

Labangon.

 Sa sayo pa, ang team Charlie midaog pinaagi sa default batok sa  team Hotel.

 Gidominar sa Echo ang unang duha ka kuwarter ug ilang gitapos ang halftime sa iskor nga 61-43 sa

kombinasyon nilang  Jimbo Villarosa, Donald Catong ug Ruel Ducayon.

 Apan ang maong labaw gikalingawan og kitkit sa Alpha sa third period sa pagpangulo nilang Nolit Tabasa,

Allen Templa ug Danny Desoyo.

 Si Tabasa maoy miluwas sa   Alpha pinaagi sa iyang free throws human makakubit og foul. Siya sab ang

topscorer sa kadaugan nga mihipos og 26 puntos, samtang sila si Templa ug Desoyo mitikdol og 20 ug 19 puntos matag

usa.

 Sila si Jimbo Villarosa ug Donald Catong maoy nangu sa   Echo nga adunay tag-20 puntos, gisundan nilang (BANAT NEWS)

Nelson Solana ug Ruel Ducayon nga parehong miposte og 13 puntos.

 PUNTOS MATAG USA

 ALPHA (101) - Tabasa 26, Templa 20, Da. Desoyo 19, Beltran 17, Navares 8, Lawrence 5, Salaber 4, Do.

Desoyo 2

  ECHO (100) - Villarosa 20, Catong 20, Solana 13, Ducayon 13, Dianon 10, Aspera 6, Yamoay 4, Lanticse

3, Romariz 3, Macalisang 3, Sagayno 3, J. Desoyo 2